Amapolisa aseNew Brighton akhangela inkwenkwe eneminyaka elishumi elinesibini (12), uLuniko Nikelo, olahlekileyo.
Ngokweengxelo, wagqityelwa ukubonwa ngoMvulo we5 ka-Agasti 2024 malunga nentsimbi yesithathu emva kwemini xa wayebekwa yimoto yesikolo kwikhaya lakhe kwisitalato iBoast, eNew Brighton.
Ingxelo yamapolisa ithi le nkwenkwana ine-autism kwaye yayinxibe iyunifomu yesikolo, ibhulukhwe yesikolo engwevu, ihempe eluhlaza (blue), ijezi eluhlaza (blue), kunye nezihlangu zesikolo ezimnyama ngethuba elahleka.
Kucelwa nabani na onokuthi ancede kweli tyala atsalele umcuphi wecandelo lobundlobongela kusapho, ukhuseleko lwabantwana nolwaphulo-mthetho ngokwesondo eMotherwell, uDetective Sergeant Kelibone Mokhatla ku-071 475 2327 okanye atsalele umnxeba iCrime Stop ku-08600 10111.
Ingaba iPirates inawo amandla okubhukuqa iMamelodi Sundowns?