Udubulwano phakathi kwamapolisa noonqevu ababini kwilali iSidwadweni kuTsolo ngoMgqibelo lushiye kusweleke indoda eqikelelwa kumashumi amathathu eminyaka ubudala lo gama enye enamashumi amathathu ananye ibanjwe yavalelwa ngamapolisa.
Ngokwengxelo, la madoda axhomise exhobile isithuthi ePort Shepstone kwiphondo laKwaZulu Natal kwiintsuku ezimbalwa ezidlulileyo, athatha esisigadla, esinenombolo-mbhalo ethi NPS 30245 basingisa kweli leMpuma Koloni.
Abasebenzi benkampani iNetstar abebelandela ekhondweni lesi sigadla batsalele umnxeba amapolisa ecandelo leFlying Squad eMthatha becela bangenelele.
Kungelo thuba apho kuthe kwaqala ukuqhoqhozwa ngeembumbulu kwabulawa indoda enye. Uncedo labahlali lukhokelele ekubanjweni kwale ndoda kwilali yaseSidwadweni.
UWarrant Officer Dineo Koena othethela amapolisa kummandla waseMthatha uthe: “Singangqina ngokudutyulwa kubulawe umrhanelwa kudubulwano namapolisa kuTsolo lo gama enye indoda ibanjwe yavalelwa ngamapolisa. Ityala lokuxhomisa livuluwe.”
URulani Mokwena ulindele umdlalo onzima eTunisia