Asanqongophele amanina kwicandelo lezoshishino

UMPHATHISWA
wophuhliso loqoqoqsho kwakunye nezemali ephondweni uSakhumzi Somyo ukhuthaze
amanina eMpuma Koloni ukuba azibandakanye kwezoshishino. USomyo ukuthethe oku
kwindibano yamanina eli phondo ebibanjelwe eHemmingways eMonti. 

Uthe
abasetyhini mabathathe amathuba avulelekileyo kwezoshishino, nakumasebe
akhokelwe nguye. Uthe iMpuma Koloni ayisokuze ibeyinto ngapahndle kwegalelo
labasetyhini. Isebe lophuhliso loqoqoqsho, kwakunye nezemali belibambisene namaqumrhu
axhasa uphuhliso lwezoshishino, afana noSEFA, SMMs, kwakunye noECDC. 

USomyo ukwathe,
noxa esanda amanina kwezoshishino, iyamxhalabisa into yokunqongophala kwawo
kumacandelo awayefudula evuleleke kumadoda kuphela.