Bagwetywe iminyaka elishumi elinesihlanu bengaphakathi ejele abemi ababini baseZimbabwe abahlasela iintatheli zeSABC zisemoyeni kwinyanga yoKwindla nyakenye.
U-Alfred Ndlovu kwakunye noClement Ncube bathatha iileptophu kwakunye nefowuni uluntu lubukele kumabonakude lo gama igqala leendaba uVuyo Mvoko wayesasaza emoyeni emva kwentsimbi yesixhenxe ngorhatya phambi kwesibhedlele saseMilpark.
Esi sibini sigwetywe ngoLwesibini ziinkundla zamatyala zaseRhawutini emva kokufunyanwa benetyala.
UMvoko wahlaselwa ekunye nomfoti kwakunye nentatheli uLewis Criselda.
Isithethi seGunya Bantu lezoTshutshiso uPhindi Louw uthe, akukacaci ukuba bazokubhena abatyholwa.
Ababezenza amapolisa baphanga usapho, baqhotsa batya inyama yabo!