Ngamawaka-waka woluntu athe onwatyiswa ziimvumi eziphambili zoMzantsi Afrika kwingxikela yekhonsathi ibuququzelelwe yiMotsepe Foundation eMonti ngempelaveki.
Le khonsathi yasimahla nebanjwa minyaka le kwiindawo ezohlukileyo kuMzantsi Afrika jikelele, iqale eMonti nalapho uluntu lithe lonwatyiswa ziimvumi ezifana neMafikizolo, uBabes Wodumo, uCasper Nyovest, uKwesta, uRicky Rick, iBig Nuz, uSpectacular noNaves, uEmtee kwakunye nezinye.
Bekukuphume nolusebeleni usana ukuza konwabela umculo wezi mvumi, Kwimozulu ebishushu.
UBabes Wodumo nobeqala ukuba yinxalenye yeMotsepe Foundation Concert kwiphondo leMpuma Koloni uthe wonwatyelwa kakhulu luluntu, nalapho bebecula naye ingoma yakhe ethi Wololo.
Le ngoma nenendawo ethi “Lale ilalilale Wavuka ekseni awazi ulalephi” nethandwa kakhulu nangabantwana abancinane yeyona ngoma ibonakele ithandwa kakhulu luluntu kwiingoma zikaBabes Wodumo.
Phambi kokuba le khonsathi ifikelele esiphelweni, uPatrice Motsepe onguMongameli weMotsepe Foundation ukhwele eqongeni ekhatshwa libambela likasodolophu womasipala ombaxa iBuffalo City uNcedo Kumbaca, ebonakalise ukoneliseka yindlela uluntu oluphume ngayo.
Kuvulwe isikolo esixabisa iR106-million KwaMaxhama