Bavelile kwakhona kwiinkundla zomthetho eRhini ngoLwesithathu abarhanelwa abathathu abajongene netyala lokufunyanwa beneempondo zomkhombe ezisentsha.
Isithethi samapolisa ephondo leMpuma Koloni uColonel Sibongile Soci uthe, aba barhanelwa babanjwa eMakana Resort eRhini kuLwesihlanu weveki ephelileyo kwiphulo lika-Operation Full Moon ebelusenziwa ngamapolisa, elijongise ekuhlanguleni imikhombe aph’ephondweni.
Amagama aba barhanelwa nguForget Ndlovu (40) wasePacaltsdorp, Jabulani Ndlovu (38) waseBhayi kwakunye noSikhumbuzo Ndlovu (37) waseMotherwell.
Ukanti iingxelo zithi aba babini bakwaNdlovu omnye wabo ngummi waseZimbabwe omnye ngoweli lizwe. Eli qela labarhanelwa kuvakala ukuba lisoloko lisebenzisana ekuzingeleni le mikhombe.
Abarhanelwa baseseluvalelweni, bazakuphinda bavele kungekudala.
Ababezenza amapolisa baphanga usapho, baqhotsa batya inyama yabo!