Bheki Mtolo: “NguMkhonto weSizwe womgunyathi lo”

Unobhala weANC KwaZulu-Natal uBheki Mtolo kwindibano noonondaba eThekwini. UMFANEKISO: Doctor Ngcobo

Umbutho weANC KwaZulu-Natal uwukhabile umbutho omtsha odizwe ngowayesakuba ngumongameli weli, uJacob Zuma, ngelithi nguMkhonto weSizwe womgunyathi.

UNobhala weANC ephondweni KwaZulu-Natal, uBheki Mtolo, uthe abantu mabangaqhathwa bakholelwe ukuba umbutho uMkhonto weSizwe uZuma athe uzakuwuvotela uyinxalenye yeANC.

Uthe lo mbutho awufani noMkhonto weSizwe owasekwa yiANC ngo1961 ngexesha lomzabalazo owawuchasene norhulumente wocalucalulo.

Umbutho omtsha uMkhonto weSizwe ungafumana nabani, nditsho nabantwana abazalwa ngeminyaka yoo2000, utshilo uMtolo.

Umbutho weANC eKZN ubenendibano noonondaba namhlanje ngoMvulo ngesigqibo sikaZuma sokuba akazukuyivotela iANC kunyaka ozayo, kodwa uzakuvotela umbutho uMkhonto weSizwe.

UMtolo uthe abantu mabangalahlekiswa ziintetho zikaZuma zokuba lo nguMkhonto weSizwe wenene owawuliphiko lomkhosi weANC ngexesha lomzabalazo.

Amalungu okwenene oMkhonto weSizwe aza kukhankasa neANC eKZN ukugcina iphondo, utshilo uMtolo.

Eli bali livele kuqala ku-IOL apha.