Kulindeleke ukuba ivele phambi kwenkundla yamatyala eSajonisi kungekudala indoda (45) ejongene netyala lokukhomba umfazi wayo ngesibham.
Ngokwengxelo ephuma kuCaptain Welile Matyolo ithi, le ndoda nebixambulisana nonkosikazi wayo, ibanjwe kwilali iMahlotsheni kwaMajola A/A eSajonisi izolo emva kwentsimbi yokuqala emini.
Le ndoda ikhombe lo nkosikazi ngompu wayo osemthethweni njengoko unempepha noluhlobo lwe9mm pistol nobugcwele qhu ziimbumbulu ngokokutsho kwengxelo.
UMatyolo uthi, ngethuba amaPolisa ezokusabela kweli khaya ebamba le ndoda, umfazi ukwadize ukuba umyeni wakhe unawo nomnye umpu awuhlalisa kwinkwenkwe eneminyaka elishumi elinesixhenxe (17) esisihlobo kubo nekwahlala kule lali nayo.
AmaPolisa aqhubeke nophando ngenene yabanjwa le nkwenkwe nezakukhululwa phantsi kwenkathalo yabazali.
Le ndoda sithetha nje iseluvalweni eziseleni nejongene namatyala amabini nekulindele ukuba kongezwe amanye.
Kusenjalo kwesinye isehlo kwaseSajonisi kwindawo yakuNtsila eNtsimbini, amalungu eDurban National Intervention Unit nawabekwa kulo mmandla ngenxeni yezixholoxholo nokungabikho kozinzo kula mmandla, abambe indoda (28) ngokubanompu ongenazimpepha.
Baqale uqhankqalazo abaqhubi beenqwelomoya