IDOLOPHU yaseMthatha kulindeleke ukuba ixakeke kakhulu kule mpelaveki nanjengoko umbutho iANC uzakube ubambe imisitho eyahlukeneyo ukuhlakulela imibhiyozo yephondo yeminyaka elikhulu elinesihlanu yasekwayo iANC.
Umsitho wephondo uzakubanjelwa kwibala lezemidlalo lekhampasi iNelson Mandela Drive yeYunivesithi iWalter Sisulu ngeCawe. Babalelwa kumawaka alishumi elinesihlanu (15 000) abalandeli nabaxhasi beANC ekulindeleke ukuba bagcwalise eli bala.
Usekela mongameli weANC uCyril Ramaphosa kulindeleke ukuba enze intetho ethe qabavu kulo msitho. URamaphosa ukugqatso lokungena kwisikhundla sobumongameli kwiANC ngenyanga yoMnga.
Ukuhlalela lo msitho wangeCawe, usihlalo weANC eMpuma Koloni uPhumulo Masualle uzakwenza intetho malunga nobomi begqala leANC * -Oliver Reginald Tambo ngokuhlwa kwangoLwesihlanu kwiholo yedolophu yaseMthatha.
sithandiwe.velaphi@inl.co.za
Ababezenza amapolisa baphanga usapho, baqhotsa batya inyama yabo!