Umrhanelwa (35) ubanjwe ngoMgqibelo umhla wama23 kuNovemba 2024 eBloemfontein kwisikhululo sebhasi iTourist Centre ngokufunyanwa ne’abalone ngokungekho mthethweni.
Kutyholwa ukuba igosa lokhuseleko lebhasi lifumene ulwazi malunga nomkhweli okhwele ne’abalone. Lo mkhweli ebesuka eMpuma Koloni esiya kwiphondo laseGauteng. Igosa lokhuseleko lagqogqa ibhasi laza lafumana umrhanelwa enebhokisi ene’abalone.
Oku kuvakala ngokwengxelo yesithethi seeHawks eFreyistata, uCaptain uChristopher Singo.
USingo uthe amalungu eqela leeHawks eliphanda ngolwaphulomthetho olucwangcisiweyo eBloemfontein aye kwindawo yexhwayelo.
“Umrhanelwa ubanjwe emva kokuba engakhange akwazi ukunika ingcaciso malunga nale bhokisi equlathe iabalone. Le bhokisi ine’abalone ezikwikhulu elinamashumi asixhenxe anesithoba (179) nexabisa ngaphezulu kwamawaka angamashumi amabini eerandi (R26 500) yathinjwa ngamapolisa,” utshilo uSingo.
Umrhanelwa kulindeleke ukuba avele phambi kweNkundla kaMantyi yaseBloemfontein ngoMvulo, umhla wama25 kuNovemba 2024.
iEFF imenywe kwimibhiyozo yeMK Party