Kudlwengulwe intwazana eneshumi elinesibini leminyaka ubudala sisalamane sayo esiyindoda esele ikhulile enamashumi amane eminyaka ubudala.
Esi sehlo senzekele kwilali yaseNgcizela eMbokothwana kuCentane ngeCawa. Iingxelo eziphuma kothethela amapolisa ala mmandla uKhapteni Jackson Manatha zithi intwazana le ibithunywe ngumama wayo kwivenkile ekufutshane ngeCawe esisuka kuyo ngentsimbi yesine emveni kwemini.
Intwazana iye yadibana nomzala lo nathi uManatha uye wamcela ekubeni amkhaphele kumzi othile kwapha elalini.
“Ngethuba besahamba umrhanelwa uye warhuqa le ntwazana eyirhuqela kwihlathi elikufutshane nelali, wafika wayidlwengula ngokungenalusini. Kulapho kuye kwayokubikwa ekhayeni lentwazana, khaya elo liye layokubika kumapolisa. Amapolisa aye akhawuleza ukwenza uphando ambamba umrhanelwa lo,” utshilo uManatha.
UManatha uthi iyavela le ndoda ngale ntsasa kwiinkundla zamatyala kuCentane ngezityholo zokudlwengula.
Ayakhala amafama aseMelika ngesigqibo sikaTrump