Kubanjwe isibini esithandanayo ngamapolisa ngale ntsasa yangoMgqibelo, emva kokuba sifunyenwe sinenqwaba yeziyobisi kwindlu yaso eQumrha.
Ngokwengxelo, amapolisa athi kudala erhanela ukuba esi sibini sishishina ngeziyobisi nangona bekungekabikho bungqina bubayamanisayo noku. Kwesi sibini, indoda inamashumi amane anesithoba ubudala ze owasethyini abenamashumi amathathu anesihlanu ubudala.
Isithethi samapolisa kula mmandla, uKapteni Nkosikho Mzuku, uthi ngaphakathi kwindlu yabo kufunyenwe intsangu ekwiiplastiki ezimnyama exabisa imali engangeR7, 220, iipilisi zeMandrax ezintlanu kwakunye nemali engachazwanga.
Isibini esi kulindeleke ukuba sivele phambi kwenkundla yamatyala eQumrha kwiveki ezayo. Bajongene netyala lokushishina ngeziyobisi.
Ubomi ejele kutata owadlwengula intombi yakhe ngokuphindaphindiweyo