Ingozi emasikizi eGcuwa idlule nomphefumlo

Ingozi emasikizi eyenzeke kuhola wendlela * -N2 eGcuwa isube umphefumlo wendoda enamashumi amabini anesibini eminyaka ubudala. Le ngozi yenzeke ngoLwesine emva kokungqubana kweveni neloli.

Othethela amapolisa ala mmandla neziphaluka uKapteni Jackson Manatha uthi, kuye kwabhubha wamnye, ababini bakwimeko embi kwisibhedlele saseGcuwa.

UManatha uthe: “Le ngozi ibephakathi kweloli kwakunye neveni emhlophe, abantu ababini bakwimeko embi esibhedlele eGcuwa. Amapolisa aseGcuwa asaphanda ngonobangela wale ngozi nanjengoko unobangela ubungekaziwa.”

Ityala lokuzama ukubulala livuliwe. Abaqhubi bobabini abakhange bafumane monzakalo. Ukanti usodolophu womasipala waseMnquma uBhabha Ganjana kwimbalelwano ebeyikhuphile uthe wadlulisa amazwi ovelwano kusapho lwexhoba elithe labhubha kwakunye nezihlobo.

Ukanti ukwanqwenelele nabo balele ngandletyananye kwisibhedlele saseGcuwa ekubeni baphile ngokukhawuleza.

abongile.ginya@inl.co.za