FRANKLY Speaking. Leyo yinkqubo entsha yeendaba ezakudlala kwiSABC 3 ukususela kule Cawa umhla we-11 kweyoMdumba.
Le yinkqubo yeengxoxo nemiba etshisayo ezakugxila ekwenzeni udliwano-ndlebe ngoqhagamshelwano lweSkype nangamaqonga onxibelelwano ukukhuthaza izimvo zababukeli.
I-Frankly Speaking izakubhexeshwa litshantliziyo loluntu nosomashishini okwangumbhali uJJ Tabane.
Inkqubo kaTabane izakujonga imiba etshisayo ezindabeni ngokunjalo nokusematheni kwiindaba zosuku.
Ukanti kwakule veki, iSABC 3 ifudusele kwintsimbi yesithoba iindaba zentsimbi yesithandathu .
UPeter Ndoro noFrancis Herd bazakuhlala njengababhexeshi bezi ndaba, ngelixa uChriselda Lewis no-Aldrin Sampear beyakuthi babambe eyangeempelaveki.
Liyoyikisa izinga lokunyamalala kwamadoda eGqeberha!