INTWAZANA eneminyaka emine ubudala ibhubhile emva kokubamba ucingo olunombane.
Oku kwenzeke kwindawo yamatyotyombe iVukani kwilokishi yaseMotherwell eGqeberha.
UCaptain Andre Beetge wamapolisa ubika ukuba, malunga necala emva kweyeshumi elinanye kusasa ngoMvulo, uQhamani Mange ebesiya kwivenkile ekufutshane ngethuba ebamba ucingo olunombane kwenye yezindlu ezikule ngingqi.
“Kurhaneleka ukuba bekufakelwe ngokungekho mthethweni iintambo zombane kule ndlu nebezidibene nolu cingo. Ngelishwa uQhamani Mange uye wabhatala ngobomi bakhe akubamba olo cingo,” kutsho ingxelo kaCaptain Beetge.
Amapolisa aseMotherwell avule idokethi lophando ngesi sehlo.
ABafana Bafana bayingombe yanaba iCongo Brazzaville, eGqeberha!