UMama uNombini Maqelana yintombi yakwaShwayimba kwilali YaseMkhemane eMatatiele, okwangumakoti wakwaNyawuza kwilali yeseSemonkong ePabalong.
Kubaleka egazini nasemithanjeni inkuthazo kwaye ukwanguye nombhali kweli phephandaba lethu lo mama. Kwingingqi yaseAlfred Nzo waziwa njengomntu onika inkuthazo, (Motivational Speaker) kwizikolo, imitshato, iityalike amaphephandaba nakwiintolongo.
Mve rhoqo ngoLwesithathu xa eyiqongqotha kubatshati le nkuthazo esithi: “Marinate your marriage” nakubatsha esithi: “Crossing over, siyawela” nakwinkqubo ebizwa “Our Hour, Power Hour” ngentsimbi yesixhenxe ukuya kweyesithoba ebusuku, aze ayiqukumbele ngeCawa kwinkqubo engu “Ziyamaz’ umelusi” apho ke ayintaka entingela phezulu emafini, nalapho ethe wafumana ukuvotelwa njengomsasazi wonyaka, “Best Community Radio Presenter of the year.” ngo-2015.
Ukwangomnye wabasasazi abachongwe kwiiECMAS* zika-2016.
Kweli cwecwe lisihloko sithi, “Take me to your heart “ lishicilelwe ngesiXhosa ngabakwa Zanozulu Productions. UMamisto ugxininisa imiba eyile: Ukomelela ngexesha lendzingo, “Growing strong underground,” “There is a reason for your season” nokwakhuthaza ukulithemba eli gorha lingaphakathi kuwe.
Xeshikeni kusungulwa le DVD bekukho noSodolophu waseAlfred Nzo, uMomelezi Mbedla, nothe uMamisto makantinge angabuyeli mva.
Le DVD iyafumaneka ku Utube nangentengiso ku 0799793292 ngoFacebook ( inbox) ; WhatsApp nomnxeba
Yesuka. Yaqhawula. Yantinga. Yaya kusithela!
*KwiiECMAS ungamvotela ku 33459. Uthumele umyalezo othi: Nombini Maqelana Best Community Radio DJ uxabisa iR1.50. kuphela vota kangangoko kuvalwa nge 22 eyoMdumba 2017.
Zona iiECMAS zingoMgqibelo, 25 eyoMdumba 2017.
UHugo Broos uzityanda igila ngokudlalisa uVeli Mothwa izolo