Ipolisa laseLady Grey kufuphi naseSterkspruit likhutshwe ngesilumkiso kuvalelo lamapolisa emva kokubanjwa libutho lophando iiHawks ngezityholo zobuqhetseba.
UWarrant Officer Leon Charles Green ubanjwe ngoMvulo emva kokuba ekhohlise isipolisa saseLady Grey esithi ufuna imali yokuhlawula umntu omncede ngolwazi kwityala ebeliphanda.
“Kurhaneleka ukuba elipolisa liye lafaka ibango lemali lisithi lincedwe ngumntu ngolwazi olukhokelele ekubanjweni komrhanelwa.
Kodwa umntu lo kubangwa ngelithi uncede (elipolisa) ngolwazi, uye wayiphika eyokuba ebekhe wadlulisa ngolwazi (kuGreen),” utshilo osisithethi seeHawks eMpuma Koloni uKapteni Anelisa Feni.
UGreen, obevele kwinkundla kwamantyi yaseLady Grey ngoLwesine, uyakuvela kwakhona ngomhla weshumi elinesihlanu kwakule nyanga.
IMasimanyane ikhuthaza ibhola ekhatywayo kumantombazana ngeenzame zokulwa iGBV