KUBHUBHE abantu abathathu kwingozi yesithuthi eyenzeke kuN6, malunga neekhilomitha ezilishumi elinesihlanu ukusuka eJamestown ukuya ngakuKomani ngoMgqibelo.
Ingxelo yeSebe lezeNdlela eMpuma Koloni ithi isithuthi sohlobo lwe-minibus taxi ebigcwele ngabantu, besisingise ngakuKomani ngethuba umqhubi ephulukana nolawulo, saze sabhukuqa.
Le ngxelo ibika ukuba abantu abathathu batshabele kwindawo yengozi, ngethuba abanye abaninzi bonzakele ngokumasikizi.
Abo bonzakeleyo babalekiselwe kwisibhedlele saseJamestown.
Amapolisa aphanda ngesizekabani sale ngozi.
IMIFANEKISO – EPWP: Imibhiyozo yeminyaka engamashumi amabini