Ixhegwazana (86) kunye nabazukulwana balo ababini abaneminyaka emihlanu neshumi elinesibini leminyaka ubudala babhubhe kumlilo wendlu ngobusuku bangoMvulo kwindawo yaseMcelwane, eGqunqe kuCentane.
Ngokwengxelo ephuma kwisithethi samapolisa, uWarrant Officer Majola Nkohli, esi sehlo senzeke malunga nentsimbi yeshumi ebusuku. UNkohli uthi amapolisa abizelwe kwindawo yexhwayelo kwindlu ebisitsha kwindawo yaseMcelwane, eGqunqe.
“Amapolisa afumene imizimba emithathu etshileyo kule ndlu. Imizimba kukholelwa ukuba yekamakhulu (86) kunye nabazukulwana bakhe ababini abaneminyaka eyi5 kunye ne12,” utshilo uNkohli.
Iimeko ezingqonge esi sehlo ziyaphandwa ngamapolisa.
iGolden Arrows ibethelwe ekhaya yiChippa United emdlalweni weNedbank Cup