Izinikezele kumapolisa aseGcuwa indoda enamashumi amane ananye (41) ubudala ebandakanyeka ekubulaweni komfana onamashumi amabini anesibini (22) wamatyotyombe aseSkiet eGcuwa ezinzulwini zobusuku bangoMgqibelo.
Ngokwengxelo ephuma kwisithethi samapolisa ala mmandla kwakunye neendawo ezingqongileyo uKapteni Jakcson Manatha udize ukuba umrhanelwa kwakunye nexhoba bebenokungavisisani ngethuba behleli bonke nento eye yakhokelela ekubeni kude kuhlatywe ixhoba.
UManatha uthi, ixhoba liye labhubha ngoko nangoko kwindawo leyo yexhwayelo.
Umrhanelwa emva kokuzimela uye wazisa kumapolisa emva koko wabekwa ityala lokubulala kwaye ulindeleke ukuba avele phambi kweenkundla zamatyala aseGcuwa kungekudala.
IBig Brother Mzansi iza kuqala ngoJanuwari