Ingozi eyenzeke kwindlela uR72 phakathi kwe-Alexandria (Mnyameni), nePort Alfred (Cawa), ngorhatya langoLwesibini kule veki, isube imiphefumlo emibini yashiya abathathu bengxwelerhekile.
Ingxelo ephuma kwiSebe lezoThutho kwakunye noKhuseleko, ithi, zimoto zimbini iVW Polo neFord Mondeo ezithe zabandakanyeka kule ngozi. Ukanti iVW Polo ibinabantu abane ngaphakathi kuyo nekuquka amadoda amathathu (3), kwakunye nenkosikazi enye (1).
Umqhubi wesithuthi seFord Mondeo, nobehamba yedwa ngethuba kusehla le ngozi uqikelelwa kwiminyaka eyi-70 ubudala, kwaye ubesingise ngaseCawa.
Isithethi seSebe u-Unathi Binqose uthi, ababini ababhubhileyo ngobhinqileyo kwakunye nendoda, nabaye babhubhela kwindawo leyo yexhwayelo.
Abathathu kuquka nomqhubi kubo balwela impilo yabo esibhedlele ePort Alfred nalapho befumana khona unyango.
Kuvulwe ityala kwisikhululo sasePort Alfred.
Amantombazana amane aziqaqambise koonobuhle eGqeberha!