Kudutyulwe kwabhubha abarhanelwa ababini kwakunye nonogada wevenkile uRhino Cash n Carry kwidolophu yaseMbizana. Ngokwengxelo yamapolisa eMpuma Koloni, amadoda amane ebezama ukuphanga eli shishini, aze aqubisana noonogada kwatshintshiselwana ngerhuluwa de lahlanza iselwa kwisibini sabarhanelwa, kwakunye nomnye woonogada, ngelixa omnye aye wabalekiselwa kwisibhedlelle esikufutshane ekwimeko embi naye. Nesibini sabarhanelwa siye sonzakala, naso sabalekiselwa esibhedlele, sithetha nje baphantsi bafumana unyano bephantsi kweliso lamapolisa.
Isithethi samapolisa kweli phondo uKhaya Tonjeni, uthi amapolisa aye alandelela kulwazi ebelifumana kubahlali, ngelilinge lokuphanga le venkile. UThonjeni uthi,abahlali bahlebele amapolisa ngaabarhanelwa abancatshe ehlathini ngaphandle kula dolophu. Kolodutyulwano kwelohlathi kubhubhe abarhanelwa ababini, Ukwathe isibini esilele esibhedlele sizakujongana netyala lokubulala kwanelokuzama ukubulala ukuphuma kwabo esibhedlele.
Ngamaziko olwazi kuphela anegunya lokuvelisa ulwazi?