Inkumanda yamapolisa aseMount Ayliff uBrigadiya Mthuthuzeli Mntukushe uwuqhwabele izandla umsebenzi wamapolisa, kulandela ukubanjwa kwabarhanelwa abalishumi elinesine kwiveki ephelileyo.
Aba barhanelwa bafunyenwe benenqwaba yemipu ekwishumi elinesine.
Babanjwe liqela lamapolisa ebelimiselwe nguMntukushe, khon’ ukuze liphande izehlo zolwaphulo-mthetho eMzamba, kwaDengane naseMpisi kummandla waseMbizana. Kolu gqogqo, kukwafunyanwe nenqwaba yeepilisi ze-mandrax ne-wunga.
Aba barhanelwa bebevelile kwinkundla yaseMbizana ngoLwesihlanu, bejamelene nezityholo zokuba nemipu engemthetho nokufunyanwa neziyobisi.
ElaseTopiya lihamba phambili ngeenkomo eAfrika