Kukhangelwa abarhanelwa abathathu ngamapolisa aseBhayi emva kokuba eqhekeze ivenkile ethengisa ubucwebe kudederhu leevenkile eBoardwailk.
Ngokwengxelo ephuma emapoliseni esi sithathu sabarhanelwa sifike sixhobe ngemipu kubusuku bangolwesithathu.
UKapteni Johan Rheeder uthe, aba barhanelwa bagaleleke xa kanye kuzakuvalwa le venkile bathatha isixa sobucwebe babaleka naso.
URheeder uthi, abarhanelwa babhide umkhondo xa bebephuma bohlutha imoto ibihleli abathandanayo iAudi ibime kwindawo emisa iimoto eHobie Beach nefunyenwe inyengezwe kude kufuphi nodederhu olo nekubonakala ukuba bebezama indlela yokuphuma.
Ukuqhekezwa kwale venkile ayikokokuqala ngokwengxelo zamapolisa.
Silungiselela ukukhusela indebe yethu kwiWafcon, utsho uDesiree Ellis