Kuvalwe enye indawo yokubhaka ngenxa yokungacoceki

Indawo yokubhaka isonka eGqeberha evalwe ngenxa yobumdaka. UMFANEKISO: SAPS

Amalungu eGqeberha Border Policing kunye neSebe lezempilo lokusiNgqongileyo, iNational Regulator for Compulsory Specifications (NRCS) kunye nabanye abachaphazelekayo bavale enye indawo yokubhaka izonka eSanctor ngentsasa yayizolo, ngenxa yeemeko zokungacoceki.

Ingxelo yesithethi samapolisa uColonel Priscilla Naidu ithi isebe lezempilo lokusiNgqongileyo lihlebezelwe malunga nokungacoceki nobuxelegu bendlela isonka esibhakwa ngayo kweli ziko. Ngentsimbi yeshumi kusasa ngoncedo lweGqeberha Border Policing, ivenkile yokubhaka izonka yatyelelwa yaza yahlolwa.

Yathi ke emva koko yavalwa ngabasemagunyeni abafanelekileyo phantsi koMthetho wokutya, izithambiso kunye nezibulali ntsholongwane, uMthetho wama54/1972 (ummiselo wama638 ka2018) – ngokumalunga neemfuno zococeko zokuphatha, ukuthuthwa kunye nokugcinwa kokutya. Lo mba uphantsi kophando ngugunyaziwe ochaphazelekayo.

Oomatshini kunye nezinto zokubhaka zohluthiwe.

Le yindawo yesibini yokubhaka evalwe kwisithuba seveki ngenxa yeemeko zokusebenza ezingacocekanga nezingekho sempilweni.

Indawo yokubhaka isonka eGqeberha evalwe ngenxa yobumdaka. UMFANEKISO: SAPS
Indawo yokubhaka isonka eGqeberha evalwe ngenxa yobumdaka. UMFANEKISO: SAPS