IGWETYWE ishumi elinesibini leminyaka entolongweni
indoda enamashumi amathandathu (60) eminyaka ubudala emva kokufunyanwa inetyala
lokudlwengula intombazanana eneminyaka elithoba. Esi sigwebo siwiswe yinkundla
ephakamileyo yaseBhisho ngoLwesithathu.
Le nkundla imfumene enetyala lokudlwengula
le ntwazana uzongezile Moyeni, kwihlathi laseMdantsane kwaNU 1, kwinyanga
kaTshazimpuzi yonyaka ophelileyo. UMoyeni wayengumsebenzi kwi khontrakha
ebikula mmandla ngethuba edlwengula ixhoba.
Amapolisa aseMdantsane ambamba emva
kophando kulandela esi siganeko. Ijaji yenkundla ephakamileyo eBhisho uIgna
Stretch akakhange acinge kabini ngethuba egweba uMoyeni iminyaka elishumi
elinesibini. Isithethi samapolisa aseMdantsane uNkosikho Mzuku ithi,
usapho lexhoba liyasamkela isigwebo senkundla ngakummangalelwa.
Izimvo zabafundi ngokuyalwa komtshakazi