Makubotshwe ibhanti, kuncitshiswe inkcitho engeyomfuneko.
Esi sisilumkiso sikaMphathiswa wezezimali uPravin Gordhan ngethuba esenza uhlahlo lwabiwo-mali ePalamente eKapa izolo.
UGordhan ubhengeze ukuba imali yenxili yesizwe kunyaka-mali ka2017/18 yi-1.56 yeetriliyoni zeerandi. Okubi ke kukuba ityala likarhulumente lime kwi-R2.2 yeetriliyoni.
OKWENYUKAYO:
* Irhafu yezono (abatshayayo nabasela utywala): Izakonyuka ukusuka ku-6% ukuya ku-10%
* Imali yendodla yabantu abadala izakuba yiR1 600 emva kokonyuka ngeR90 kwabo bangaphaya kweminyaka engamashumi amathandathu, ze ibe yi-R 1620 kwabo bangaphaya kweminyaka engamashumi asixhenxe anesihlanu.
* Imali yendodla yabaphila nenkubazeko izakuba yiR1 600 emva kokonyuka ngeR90.
* Imali yendodla yabaphantsi kokhathalelo (foster care) izakuba yiR920 emva kokonyuka ngeR30
* Imali yendodla yabantwana izakuba yiR380 emva kokonyuka ngeR20.
* Irhafu yamafutha ezithuthi izakuba yi-30c ilitha.
-Sithandiwe Velaphi
Luthatha lubeka usapho obeluthenjiswe ngoncedo kumngcwabo womzali ogetyengiweyo!