Oonontlalontle bathuthuzela umzi weshwangusha eBhayi

UMPHATHISWA wophuhliso loluntu eMpuma Koloni uNancy
Sihlwayi ngoLwesine utyelele usapho lentwazana eneminyaka esixhenxe ethe
yaxhwilwa, yadlwengulwa emva koko yabulawa kwilokishi iNew Brighton eBhayi.

Umzimba kaSonia Payi ufunyenwe eStruanway eNew Brighton ngoMvulo kwaye kukrokrelwa ukuba utshiswe
ngombane emva kokudlwengulwa. Le ntwazana ibisiya evenkileni ngokuhlwa
kwangoMgqibelo ngethuba ixhwilwa yindoda engaziwayo.

Ethetha emva kokugaleleka kolu sapho, uSihlwayi
uthe: “Uluntu lwethu malenze konke okusemandleni ukukhusela abantwana nabantu
abadala. Ngokusebenzisana nabengalo yomthetho. Sinoxanduva lokuwusiphula
nengcambu umkhwa wokuphathwa gadalala kwabantwana nabantu abadala.”

Iqela loonontlalontle bakarhulumente lithunyelwe
ukuya kuthuthuzela ngomphefumlo usapho lakwaPayi. Amapolisa ebesakhangela
umrhanelwa wobenzi bobubi.