OWASETYHINI obhubhileyo eCawa uqwengwe ziiPitbull ezintathu, ngokutsho kwengxelo esandul’ ukukhutshwa ngamapolisa.
Ingxelo yamapolisa ithi lo wasetyhini unama37 eminyaka ebesendleleni eya emsebenzini kusasa ngeCawa ngethuba ehlaselwa zezi zinja .
Ixhoba belinamanxeba ebusweni nakumzimba ongasentla.
“Malunga nomkhono phambi kwentsimbi yesibhozo kusasa, lo wasetyhini ebehamba eAlfred Road. Ubonwe ngamadoda amabini ngethuba ehlaselwa. Aye ayokuxelela igosa logcinocwangco eliye lona laya kuxelela amapolisa. Amapolisa afike lo wasetyhini elele ecaleni komgaqo. Ezi zinja besele zingekho kwindawo yesehlo kwaye lo wasetyhini sele ebhubhile engekalufumani uncedo lwezonyango,” kuchaza uColonel Priscilla Naidu.
Ezi zinja zithathiwe ngabakwaSPCA.
Amapolisa athi umfuyi wezi zinja uhlala ngakwindawo yexhwayelo. Ixhoba lichazwe njengoZimkhitha Gaga.
“Kutyholwa ukuba ezi zinja ziqhweshe kwisakhiwo esikhuselekileyo ngokuqhawula ucingo okubiyelwe ngalo,” kutsho ingxelo kaCol Naidu.
Amapolisa asaqhuba uphando ngesi sehlo.
Ibhale incwadi intwazana yakuTsolo efunda uGrade 10