Indoda (42) engunogada kwisikolo samabanga aphakamileyo KwaBhaca ibanjwe ngezityholo zokuhlaba umfundi oyintombazana (20) eyadini yesikolo.
Oku kwenzeke ngoLwesithathu umhla we11 kweyoMsintsi 2024. Ngokwesithethi samapolisa uWarrant Officer Majola Nkohli, ngentsimbi yesibhozo ebusuku unogada wesikolo iShushu Senior Secondary School KwaBhaca uhlasele wahlaba umfundi wasetyhini kwesi sikolo.
UNkohli uthi esi siganeko saxelwa emapoliseni ngoLwesihlanu, umhla we13 kweyoMsintsi 2024, kwaye umrhanelwa wabanjwa ngosuku olulandelayo umhla we14 kweyoMsintsi 2024.
Ixhoba liye lafumana amanxeba amaninzi laze labalekiselwa esibhedlele apho lifumana khona unyango.
Umrhanelwa ujongene netyala lokubetha ngeenjongo zokwenzakalisa umzimba.
Lumka Oliphant: ‘Yekani utywala’