UBlack Coffee ubulela abalandeli emva kokusinda kwingozi yenqwelomoya

UDJ Black Coffee ebezimase intetho yobume besizwe kwiholo yesixeko saseKapa. UMFANEKISO: Ayanda Ndamane/Independent Newspapers

Intetho yobume besizwe kulapho uninzi lwabantu lubone khona uNkosinathi Innocent Maphumulo, owaziwa ngegama leqonga, uBlack Coffee, ukusukela oko wafumana ingozi yenqwelomoya ekuqaleni kwenyanga ephelileyo.

Lo DJ ebephakathi kwabantu abebezimase intetho yobume besizwe kwiholo yesixeko saseKapa, abantu bavakalise ulonwabo lwabo emva kokumbona. Nangona uBlack Coffee ebexhathise intamo ngesixhobo sentamo ngenxa yokonzakala kwakhe, ubonakala njengomntu olulama kakuhle.

Ubulele abantu ngokuyihlonipha iminqweno yakhe yokuba kunye nosapho lwakhe kwaye alulame. “Enkosi ngokuhlonipha iminqweno yam ngexesha elithakathaka ebomini bam. Ndithathe eli xesha ukuba ndilulame kwaye ndiphumle ekhaya, nosapho lwam ecaleni kwam,” utshilo uBlack Coffee kumakhasi akhe onxibelelwano.

Ukwavakalise ukubuyela ekwenzeni into ayithandayo kunye nento abantu abamthandela yona. “Ingathi andisabuyeli ndizokujuxuza nani,” utshilo.

UBlack Coffee wafumana ingozi yenqwelomoya ngethuba wayesuka eFlorianopolis, eBrazil esiya eArgentina esiya konwabisa abantu beli lizwe kwiklabhu ebizwa ngokuba yiMute.

Lo DJ ophume izandla uthe uyambulela uThixo ngokumnika elinye ithuba. Ukwathembise ngokubhengeza imisitho ezayo kungekudala.