EMVA kwesankxwe sabaphulaphuli besikhululo sikanomathotholo Umhlobo Wenene FM bekhalela ukungabikho komsasazi wabo emoyeni uLungiswa ‘Lulu’ Haarmans, ide yakho impendulo.
Ngokwembalelwano exhonywe kwiWebsite yesi sikhululo, netyikitywe ngumphathi-sikhululo uPhumzile Mnci, uLulu usayokujamelana neemeko ezingqale ngqo kuye:
Le mbalelwano iqukumbele ngokuthi: “Isikhululo esi sinethemba lokuba xa kubonakala kufanelekile ukuba abuyele emoyeni sakuqinisekisa ukuba kuyenzeka oko.”
UHaarmans wenza inkqubo ejongene nemicimbi yamanina kuMhlobo Wenene fm phakathi kwentsimbi yesithoba neyeshumi elinesibini phakathi evekini.
Abaphulaphuli kudala befaka izikhalazo kumakhasi wonxibelelwano into engangeeveki ezintathu bebuza ukuba “ ubuya nini uLulu?”
Ngethemba lokuba uyakubuyela enkomeni ngokukhawuleza uMamCirha!
URulani Mokwena ulindele umdlalo onzima eTunisia