Ude washiya kwisikhundla sakhe uMchunu

INkulumbuso yephondo laKwaZulu Natal uSenzo Mchunu, ulahlile kwisikhundla sakhe izolo kulandela amarhe angempelaveki okuba bukrakra ubudlelwane phakathi kwakhe kwakunye nesigqeba se-ANC eKZN.

Ukuqhawuka kobudlelwane phakathi kukaMchunu neANC yela phondo, buqale kunyaka ophelileyo ngethuba uMchunu wayekhuphisana noSihle Zikalala kwisikhundla sokukhokela i-ANC eKZN.

UZikalala wonyulwa njengosihlalo we-ANC kwela phondo.

Ingxelo zange mpelaveki zithi, uMchunu uyalelwe sisigqeba se-ANC kwela phondo ukuba makalahle kwisikhundla sakhe, nto leyo angakhange ayithobele.

Ngethuba kubanjwe umthandazo e-Absa Stadium eThekwini ngeCawe, uMphathiswa woKhuseleko loLuntu nezoThutho eKZN uWillies Mchunu, ekuvakala ukuba uzakonyulwa njengeNkulumbuso, ebebambele njengeNkulumbuso nanjengoko uSenzo Mchunu ebengekho.

Uluntu kumaqonga eminatha yonxibelelwano ngeCawe luthe oku ngumzekelo wokuba uSenzo uyagxothwa kumsebenzi wakhe.

Kwiingxelo zayizolo, uMchunu utyholwa ngokungathobeli imithetho yeANC yaseKZN kwimiba yorhulumento.

Kulindeleke ukuba itshintshe ikhabhinethi yaseKZN kungentsuku zatywala.

-Sithandiwe Velaphi