Intingele kwilizwe lasePortugal intwazana eneminyaka elishumi (10) yaseMonti uEsona Sekeleni, emva kokuncedwa nguMasipala oMbaxa iBuffalo City (BCM).
Luqalile ngoLwesithathu kule veki ukhuphiswano lokudada eBiathle ePortugal, nalapho le ntwazana iza kube iphakamisa eli phondo iveza izakhono zayo zokudada.
Ukhuphiswano luza kube luqosheliswa ngomhla wama31 kwakule imiyo inyanga.
OBambele njengoSodolphu eBCM uPrincess Faku uthe: “Sifuna ukubulela abazali bakaEsona. Kuthi Esona sele uliqhawekazi, siyazingca ngawe kwaye uyintwazana ehlakaniphileyo. I-BCM igqibe ekubeni ixhase ngemali engama24000 kuhambo lukaEsona,” utshilo uFaku
UAndisiwe Sekeleni nongumama kaEsona, uthi umntwana wabo ubenze bazidla ngaye kwaye banovuyo ngaye.
“UEsona ngumntwana othuleyo kodwa obalasele kakhulu kwezemidlalo. Ndibulela kuni nonke ngenkxaso nangokwenza aphumelele uEso, yanga uThixo anganisikelela nonke.”
Uhambo lukaEsona lwenza isankxwe kumaqonga onxibelelwano kwiinyanga ezimbalwa ezidlulileyo kusenziwa intlekisa ngeendleko ezazenze imali eninzi malunga nohambo lwakhe oluya ePortugal.
Ubomi ejele kutata owadlwengula unyana wakhe ona-8