KUSINDE intwazana enesibhozo seminyaka ubudala ngethuba kudutyulwa uceba woMasipala iNgquza nonyana wakhe.
Oku kwenzeke eLusikisiki kubusuku bayizolo.
Othethela abakwantsasana, uBrigadiya Tembinkosi Kinana uthi lo ceba, 49, nonyana wakhe, 18, badutyulwe ngamadoda amabini ambonzeleke ekhayeni labo elikwindawo yaseSlovo Park eLusikisiki.
UKinana uthi lo ceba uye wabhubhela esibhedlele emva kokonzakala ngokumasikizi kolu hlaselo.
“Akakaziwa unobangela wolu hlaselo, kodwa kusaphandwa. Amagama wamaxhoba asabanjiwe de kube kuxelelwe izalamane zabo,” kubika uKinana.
Kuvulwe amatyala amabini okubulala, kwaye akukabanjwa mntu.
Amapolisa abongoza lowo unokubanolwazi ngesi sehlo ahlebele amapolisa akufutshane okanye atsalele inombolo kaCrime Stop engu 08600 10111.
Ibhale incwadi intwazana yakuTsolo efunda uGrade 10