Udutyulwe wabhubha uceba weANC eMpuma Koloni

By
Abongile Ginya
-
UMpho Mahleza nodutyulwe wabhubha ngorhatywa lwangoLwesine engena emzini wakhe. UMFANEKISO: UTHUNYELWE

AmaPolisa aseMpuma Koloni azingqinile iingxelo zokudutyulwa kukaMpho Mahleza (53) waseBedford ngethuba engena emzini wakhe.

UMahleza nonguceba weANC kuMasipala iRaymond Mhlaba ekwakhona nakwicandelo leeteksi kula mmandla, udutyulwe ebusuku izolo uLwesine.

Ingxelo ithi, esi sehlo senzeke kwilokishi yasePolar Park eBedford ngethuba engena emzini wakhe. Kudutyulwe kwifestile yecala lakhe wabhubha kwangoko, edutyulwa ngabantu abangaziwayo nothe wabhubha kwangoko kwindawo leyo yexhwayelo.

ULieutenant Colonel Siphokazi Mawisa uthi amaPolisa enza uphando malunga nesi sehlo.

UMawusa uthi unobangela awukaziwa, kwaye okwangoku akukabanjwa mntu.

RELATED ARTICLESMORE FROM AUTHOR