UGordhan udibene noosomashishini eBhayi

Ibe ziziphumo ezincumisayo indibano kamasipala ombaxa iNelson Mandela Bay kunye nomphathiswa woorhulumente basemakhaya uPravin Gordhan ebikwi-ofisi yengqokelela koosomashishini baseNelson Mandela Bay eGreenacres ngoMvulo.

UGordhan ekunye nomcebisi wakhe uMandla Nkomfe kwakunye nosekela sodolophu womasipala iNelson Mandela Bay uBriks Ndoni baye banethuba lokudibana noosomashishini baseBhayi bekhokelwa yingqonyela uKevin Hustler. UHustler uthi, izinto ezininzi ebeziyimiceli-mngeni ezifana neengxaki zombane ukulungiswa kweendlela kwanomba wamanzi uxovulwe.