UNomphelo Jodwana (40) ugwetywe ubomi entolongweni kwinkundla yaseAddo ngokubulala isithandwa sakhe ngomhla wama22 kweyoMsintsi ka2022. Esi sigwebo sawiswa ngoLwesine, umhla wama26 kweyeDwarha ka2023.
UZandisile Gumenge (40) wahlatywa amatyeli aliqela waze wabhubhela kwindawo yexhwayelo kwikhaya labo eliseLuthando Village, ngokokutsho kwesithethi samapolisa uKapteni Marius McCarthy.
UMkomishinala weSithili saseSarah Baartman, uMajor General Zolani Xawuka usamkele isigwebo kwaye uqhwabele izandla uphando olwenziwa ngumcuphi uSajini Alistair Daniels.
“Esi sigwebo sibonisa ukuzimisela kwethu ukubamba abenzi bobubi ukuba baphendule ngezenzo zabo zobundlobongela. Sizimisele ukukhusela uluntu lwethu nokuqinisekisa ukuba abenzi bobubi bayabanjwa kwaye bagwetywe,” utshilo uMajor General Xawuka.
Ubuyile uloliwe phakathi kweKapa neRhawutini