U-AZWIDOHWI Malaka, nongumdlali weMuvhango kwiSABC 2, ube lixhoba lakutsha nje lokukhutshelwa ngaphandle ngumdidiyeli oyintloko weMuvhango uDuma kaNdlovu.
UMalaka, nobedlala indawo kaPfuluwani, inkosikazi yesibini kaChief Azwindini, kutyholwa ngelithi ugxothelwe ukungaqhubi kakuhle njengomdlali weMuvhango kwanokuthi gqolo efika mva emsebenzini. UMalaka ungqinile ukuba uwushiyile lo mdlalo emva kokungavuselelwa kwesivumelwano sakhe sengqesho.
“La kontrakti iye yaphela khange ivuselelwe. Andiyazi nokuba unokuyibiza ngokugxothwa kwisini na. Bendingena ndima kwezi ziqendu ziqhubekekayo ngoku,” utshilo.
Umpapashi weMuvhango uAmanda Ngudle, uzikhabile izityholo zokugxothwa kukaMalaka. “Khange agxothwe, kodwa khange kubekho bali elingqamene naye kule sizini iqhubayo.
Ugqibele ekuqaleni kwale sizini ngenyanga ka-Agasti ka2015. -Sim Freddie
iEFF imenywe kwimibhiyozo yeMK Party