Yinkondekazi enamashumi asibhozo anesithandathu
(86) ubudala yaseQombolo kuCentane ethe yadlwengulwa ngumfana oneshumi
elinesibhozo leminyaka (18) kubusuku bangoLwesihanu. Le nkondekazi ibihleli yodwa ngethuba kusenzeka oku
kwikhaya layo phambi kwentsimbi yesithandathu ekuseni.
Ingxelo yesithethi samapolisa aseGcuwa uKapteni
Jackson Manatha ithi, bekungekacaci ncam ukuba umrhanelwa ebesukaphi
ngeloxesha. UManatha udize ukuba ixhoba liye lamazi umrhanelwa
njengoko behlala bonke elalini. Lo mrhanelwa ubanjwe ngoMgqibelo kusasa
kwikhaya lakhe, kwaye kulindeleke ukuba avele kwinkundla zamatyala kuCentane
kwaye nalapho ajongene nezityholo zokudlwengula.
Inkumanda yamapolisa aseGcuwa uBrigadier Stanley
Sibhidla ukukhalimele ukudlwengulwa kwenkondekazi esithi ingaloyo yomthetho
izakudlala indima yayo.
IMasimanyane ikhuthaza ibhola ekhatywayo kumantombazana ngeenzame zokulwa iGBV