Ngokufanelekileyo, iMamelodi Sundowns, yiyo ezakuthi idlale neBidvest Wits kumdlalo wokugqibela weMTN8 emva kokuba ibethe iChippa United ngo’1-0 kumdlalo obunzima ophambi wamagqibeka kankqoyi ebusuku eLucas Moripe Stadium namhlanje.
Amathemba weSundowns, uKhama Billiat noKeagan Dolly, bayigcine iChippa United ixakekile emdlalweni.
Zona iiChilli-boys zingene kulo mdlalo ziqhwalela ngenxa yokungabikho komdlali wazo ophambili, uThamsanqa Sangweni, oshiyeke eBhayi ngenxa yokwenzakala okungephi akufumene ekuqaleni kwale veki.
Kuyiwe kwixesha lokuphumla iyinkwa nenkwa nangona amathuba okubhalisa ebhodini ebekhona macala omabini, amathuba okufaka igowuli ebekhona macala omabini – kodwa akukho elikwazileyo ukuwasebenzisa.
UPitso Mosimane wenze iinguqu kwisiqingatha sesibini. Ufake abadlali abaziincutshe kwicala lokuhlasela abafana noPercy Tau no-Anthony Laffor – kwangoko lo nto yenze utshintsho emdlalweni weeBrazillians.
Ngomzuzu wamashumi asixhenxe anesihlanu, uLaffor, uvalele emnatheni igowuli leSundowns emva kwebhola entle ayidlalelwe nguTau, uKhama, uTiyani Mabunda noSibusiso Vilakazi.
Iqela likaMosimane lizakujijisana neBidvest Wits kumdlalo wamagqibela kankqoyi weMTN 8 eMbombela Stadium ngomhla wokuqala kwinyanga ezayo. NgoMgqibelo iSundowns idlala neZesco United [ephumelele ngo’2-1 eZambia] kumdlalo weCaf Champions League eLucas Moripe Stadium.
Sundowns: Onyango, Mbekile, Langerman, Nascimento, Arendse, Kekana, Mabunda, Dolly (Tau 70′), Vilakazi, Zakri (Laffor 58′), Billiat.
Amalalela: Sandilands, Mohomi, Laffor, Nthethe, Tau, Modise, Morena.
Chippa: Akpeyi, Okwuosa, Thopola, Van Heerden, Kama, Sali (L. Manzini 65′), Mdaki, Mbenyane, Wambi, Masuku, Lorch (Bereng 88′).
Amalalela: Dlamini, L. Manzini, Mako, Bereng, Mdlinzo, Mbokoma, Ngubane.
Luthatha lubeka usapho obeluthenjiswe ngoncedo kumngcwabo womzali ogetyengiweyo!