IUlwazi High eMdantsane kwakunye neNyanga High eNgcobo zezinye zezikolo apha eMpuma Koloni eziphinde zaziqaqambisa kwakhona kwiziphumo zikaGrade12.
Ezi zikolo zinabafundi ababini nguAphelele Bly oze no100% kuzo zonke izifundo zakhe waseUlwazi High eMdantsane kwakunye noKhanyisile Landingwe wesikolo iNyanga eNgcobo.
Aba baza kuthi bayokumela iMpuma Koloni eRhawutini namhlanje uLwesine, xa umphathiswa weMfundo esisiSeko kuzwelonke uAngie Motshekga eza kube ekhupha ngokusesikweni iziphumo zikaGrade12 2022.
IUlwazi sisikolo esikwilokishi yaseMdantsane esinembali entle yokupaselwa emagqabini. Kanti neNyanga esezilalini eNgcobo ingayekanga ukunkqenkqeza phambili ekupaseni kwabantwana. Abanye babafundi baseNyanga abaphumelele emagqabini kwiPhondo nguOvayo Mkendlana, Somila Siwa kwakunye noDumisani Tukwayo baseNyanga High.
Iziphumo zikaGrade12 eMpuma Koloni ziza kukhutshwa ngomso uLwesihlanu eMandla Makhuphula Institution eSterling, eMonti, ngentsimbi yeshumi nguMphathiswa wezeMfundo uFundile Gade kwakunye noyiNtloko kwiSebe lezeMfundo kwiPhondo uMahlubandile Qwase.
Ubomi ejele kutata owadlwengula unyana wakhe ona-8