Inkokeli yeDA uMmusi Maimane uzakutyelela imimandla eliqela eMpuma Koloni kule mpelaveki, phantsi kwenkqubo yalo mbutho yokuqala ukugayela inkxaso ulonyulo lonyaka ka2019.
Lo mbutho uthi olu khenketho lwaseMpuma Koloni yindlela yokuzivavanyela inkqubo ecwangcisiweyo yeDA, apho izakukhenketha uMzantsi Afrika uphela, icela inkxaso yeevoti ngo2019.
NgoLwesihlanu, iDA izakube ibambe indibano yoluntu kwisikolo samabanga aphezulu iMfundisweni kuNtabankulu apho uMaimane azakuthi enze intetho khona.
NgoMgqibelo uMaimane negqiza lakhe bazakube bengena umzi nomzi kwilali yaseZinyoka eQonce, begayela inkxaso iDA, ze kwangoMgqibelo njalo, xa kuthambeka ilanga, uMaimane abambe indibano nabahlali kwakunye namalungu alo mbutho kwibala lezemidlalo laseMzamomhle eMonti.
Luthatha lubeka usapho obeluthenjiswe ngoncedo kumngcwabo womzali ogetyengiweyo!