IThabo Mbeki Foundation (TMF) iyaziphika iingxelo zokuba owayesakuba ngumongameli weli uThabo Mbeki nguye owadibanisa umongameli uJacob Zuma kwakunye nosapho lwakwaGupta.
Ezi ngxelo zidizwe kutshanje ngomele umbutho wabo babebanjelwe amatyala ezopolitiko uMpho Masemola emva kwendibano ebiphakathi kwalo mbutho kwakunye noZuma kwiveki ephelileyo.
ITMF ikwaphike iingxelo ezithi uAjay Gupta wayengumcebisi kwi-ofisi kaMbeki ngethuba wayengumongameli.
“UAjay Gupta wayesebenza kwibhodi yeInternational Marketing Council (eyaziwa njengeBrand SA), ephantsi kukaEssop Pahad (owayengumphathiswa kwi-ofisi kamongameli),” itshilo iTMF.
IPirates iza kudlalela ukuyibetha iSundowns, utsho uJose Riveiro