Obefudula engumsasazi weSoccerzone uMinnie Dlamini, nalowo bebhexesha iMzansi Footballers uLungile Radu, bazilungiselela inkqubo entsha kraca yolonwabo kwezemidlalo.
UDlamini noRadu, bobabini bazakusasaza inkqubo entsha ebizwa Homeground ukususela ngomhla wokuqala kuCanzibe [ 1st May] – nezakusasazwa ngqo kwiMzansi Magic neSupersport.
Le nkqubo izakunika umbukeli iindaba ngezemidlalo, imibuzo ngezemidlalo, udliwano-ndlebe noosaziwayo kwakunye nokwenzeka kwiminatha yonxulumano.
“Okona ndikujonge ngamehlo abomvu kule nkqubo yimidlalo eyiquletheyo eyohlukeneyo – ayiyobhola ekhatywayo nje kuphela. Ikwanalo neqonga elikhulu lezolonwabo, ngoko isusa umsantsa omkhulu phakathi kwala maqonga mabini, ” utshilo uMinnie kwingxelo ekhutshiweyo.
Inkqubo iyaqala ngoMvulo, umhla we-1 kuCanzibe ngo21h30.
Luthatha lubeka usapho obeluthenjiswe ngoncedo kumngcwabo womzali ogetyengiweyo!