UMkomishinala omtsha wamapolisa aseMpuma Koloni uMajor-General Liziwe Ntshinga uqalile ngokusesikweni ngoMvulo (eyeThupha 01) kumsebenzi wakhe wokukhokela isipolisa sephondo.
UNtshinga, ongene endaweni kaLieutenant General Celiwe Binta, uzakuqhuba kude kube yiminyaka emihlanu. Isivumelwano sengqesho sikaBinta sifikelele esiphelweni kwinyanga ephelileyo, emva kokukhokela isipolisa sephondo iminyaka emihlanu.
UNtshinga, inzalelwane yaseMatyhantya eLady Frere waze wakhulela eMaclear, unamava weminyaka engamashumi amathathu kwinkonzo yesipolisa saseMzantsi Afrika. Kule minyaka, amashumi amabini anesithathu kuyo uwachithe esebenza njengomcuphi kumatyala.
Ababezenza amapolisa baphanga usapho, baqhotsa batya inyama yabo!