Uvelile ngoLwesibini kule veki kwinkundla yamatyala eMthatha ngezityholo zokudlwengula uManzolwandle Xhantsi (33) nonguMtshutshisi kwinkundla yaseMthatha.
UXhantsi ukhululwe ngebheyile yeR3,500 nalapho aza kuphinda abuyele kweli tyala ngomhla wesine kwinyanga yeNkanga.
Isithethi seNPA kula ngingqi, uLuxolo Tyali, ukungqinile oku esithi beyiNPA, oku bakubona njengetyala elinobuzaza kakhulu xa omnye wabo enze oku. Uthi kwaye sele kuqalisiwe nenkqubo yoluleko lwangaphakathi.
UXhantsi xa ebuyela ngomhla wesine uza kube evela natyholwa naye uNtuthuzelo Tsotetsi Tsotso (37).
UTyali uthi ityala eli lisukela ngomhla wama28 kweyeNkanga ka2021 kunyaka ophelileyo, ngethuba umfundi (23) wenye yeeyunivesithi zaseMthatha exhatshazwa ngezesondo ngethuba elele kwindlu yalo Mtshutshisi.
UTyali uthi iNPA iza kubatshutshisa ngaphandle koloyiko nokuthatha icala abatyholwa.
IPirates ibhale iincwadi zembali ngokutsha eMoses Mabhida Stadium!