USOMASHISHINI odume kunene ngesisa kwanokuphuhlisa ezemidlalo, uMthetheli Ngumbela, ubhubhe kwingozi yemoto eyehle kuN2 phakathi kweDutywa neGcuwa ngokuhlwa kwangoLwesithathu.
Unyana kaNgumbela, uThando Ngumbela, uxelele inkqubo i #TruMornings yejelo losasazo i-itrufm kusasa ngoLwesine ukuba lo somashishini ubhubhe ngethuba esuka efama.
Ubhubhe ngethuba isithuthi ebehamba ngaso sigaxeleka kwingozi kwakunye netrakhi. Iingxelo zithi uNgumbela ubhubhele esibhedlele.
Le ndedeba, enamashishini athengisa inyama nemifuno eGcuwa naseDutywa, izenzele igama kakhulu kuphuhliso lwezemidlalo emaphandleni. Le midlalo iquka kakhulu iqakamba.
Ukanti uNgumbela ebekwaphuhlisa imidyarho yokuphaliswa kwamahashe kuBomela eDutywa. Kutshanje kwibala lemidyarho yamahashe kuBomela, bekubanjwe itumente ebizwa iNgumbela July.
Libanjelwe isatifikethi sikaGrade 12 somgunyathi iGosa lezeMpilo