Yintwazana engamashumi amabini ananye (21) yelali yakuBolothwa eSixhosini ebanjwe ngamaPolisa aseNgqeleni malunga nezityholo etyatyekwa zona zokubulala unyana wayo oneminyaka eminini (2) kuphela.
Le ntwazana ibanjwe kusasa ngoLwesine kule veki ngamaPolisa. Ingxelo ithi umama lo womntwana ufuthanisele ngenjongo umntwana wakhe ngomqamelo de wabhubha.
Ngokwengxelo kaCaptain Welile Matyolo ithi, ubhuti wale ntwazana obekhona uzamile ukulwa enqada udadewabo ekwenzeni esi sehlo kodwa wohlulakala.
Le ntwazana sithetha nje iseluvalelweni kwisikhululo saseNgqeleni nelinde usuku lwayo lokuvela phambi kukaMantyi. Ijongene nezityholo zokubulala.
Kusenjalo, amaPolisa aseLusikisiki abongoza nabani na onokubanolwazi malunga nentwazana elahlekileyo egama layo linguAlungile Khedama (12) waseUnity Park.
UAlungile Khedama ugqityelwe ngoLwesine weveki ephelileyo umhla wesibini (2) kulo nyaka. Wagqityelwa esendleleni eya egaraji ekufutshane nakowabo, zange aphinde abuye kunanamhla.
Ityala livuliwe ngoLwesithathu kule veki umhla we8. AmaPolisa ayabongoza onokubanolwazi malunga nale ntwazana atsalele icandelo lamaPolisa aseSajonisi iPort St John’s FCS ku039 253 6915 okanye uOfficer Constable Ndayi ku071 297 9415 kungenjalo ku086 00 10111.
iSundowns ingombe iSibanye emdlalweni obutaka iintlantsi eLoftus Stadium!