INDODA yaseDutywa kulindeleke ivele kwiNkundla kaMantyi ngoMvulo ngezityholo zokubulala abantwana bayo ababini abakwiminyaka esixhenxe (7) nesithoba (9) ubudala.
Esi siganeko senzeke kwilali yaseThafeni eNqabara.
Kuvakala ukuba umrhanelwa ebenengxabano nomama omzalayo, waze umama wakhetha ukuya ekhayeni lakhe elikufutshane eshiya abazukulwana bakhe ngasemva.
“Ngentsasa elandelayo uye waxelelwa ngabamelwane ukuba unyana wakhe ubabulele abantwana bakhe. Umrhanelwa uzinikezele kubahlali abaye babiza amapolisa,” kutsho ingxelo kaCaptain Siphokazi Mawisa.
UMawisa uthi isizekabani seli sikizi asikaziwa okwangoku. Amapolisa avule amatyala amabini okubulala.
Ukanti kwesinye isiganeko, indoda enama69 eminyaka ubudala yaseNgqamakhwe ivele kwiNkundla kaMantyi ngetyala lokukrwitsha ibulale umntwana wakhe one13 leminyaka ubudala.
IPirates ibhale iincwadi zembali ngokutsha eMoses Mabhida Stadium!